Monday, 21st May 2018
21 May 2018

Ramazan ayı ilə əlaqədar dindarlarla görüş keçirilib

Dini Qurumlarla İş üzrə Dövlət Komitəsi (DQİDK) və Xətai Rayon İcra Hakimiyyətinin (RİH) birgə təşkilatçılığı ilə qarşıdan gələn Ramazan ayı ilə əlaqədar Xətai rayonu “Əhmədli qəsəbə məscidi” dini icması və “Mirtağı” məscidi dini icmalarının sədrləri, üzvləri, imamlar, rayon dindarları və gənclərlə görüşlər keçirilib.

Görüşlərdə Xətai RİH başçısı Aparatının İctimai-siyasi və humanitar məsələlər şöbəsinin müdiri Pənah İmanov, DQİDK-nın Bakı şəhəri üzrə şöbəsinin əməkdaşı Vasif Musayev və QMİ-nin Xətai rayonu üzrə səlahiyyətli nümayəndəsi Murad Cəfərov iştirak ediblər.

Vurğulanıb ki, Prezident İlham Əliyevin rəhbərliyi ilə dövlət-din münasibətləri yüksək səviyyədə inkişaf edir. Dindarlar arasında vətənpərvərlik hissinin, tolerantlıq ənənələrinin möhkəmləndiyi xüsusi diqqətə çatdırılıb.

Keçirilən görüşlərdə qarşıdan gələn Müqəddəs Ramazan ayının müsəlman aləmi üçün önəmindən və əhəmiyyətindən də bəhs edilib.

Sonda icma üzvləri, imamlar və rayon dindarları çıxış edərək mövzu ilə bağlı fikirlərini səsləndiriblər.

Share this article

img1